樂古Nakuz
標題:
一名玩左OLG十幾年既玩家有野要講 (長文慎入)
[打印本頁]
作者:
blbb1234
時間:
3-11-2011 05:15
標題:
一名玩左OLG十幾年既玩家有野要講 (長文慎入)
本帖最後由 JSN 於 7-11-2011 00:15 編輯
今日我已經成三條野,當初岩岩玩第一隻GAME果陣仲係中學生
係呢度我想用我既經驗去教識大家乜野叫online game
唔好拎D狗屎垃圾黎話係ONLINE GAME! 因為我見到好多代理出D GAME根本為搵錢,狗屎垃圾都出,精明既玩家見到一定唔玩,但係好多朋友仔都會去試下
GAME要創新
十幾年前有隻online game叫龍族
呢隻GAME教識所有寫GAME既人
職業要分別,要令玩家有創作空間,不是一味衝高攻就得 (石化特武,+防,魔回等等)
更開創"國戰" 去令後代既GAME有呢個系統,最正就緊係公會系統,PK系統啦
果陣既魔力古龍全部要你入PVP場先開得拖,龍族就令你係主城無需申請對決/開紅都開得拖!
可惜一個外掛令佢收皮,加上大量3D / 可愛風 GAME出黎 令隻GAME冇新血,加快收皮速度
果陣係冇任務果類野叫你跟住佢去玩,因為你既生涯係你建立出黎,你既朋友並唔係NPC!
我諗依家出一隻冇任務既GAME D人會話唔知玩乜,但係冇任務既GAME係要你地一齊組隊去探索唔係有個任務帶住你行,行到封頂先至認識朋友!
對呢點我覺得任務呢家野係OLG入面應該係同玩家一齊達成,幫玩家做野,而唔係幫NPC每次打10隻怪咁樣
以下係龍族既片,比大家睇下 十幾年前既online game
到依家都仲一大堆GAME唔及佢,多數都係D武俠GAME果D咪叫狗屎垃圾GAME囉!
[youtube]Z4L0XbsnVDA[/youtube]
至今未有龍族2既推出,卻推出左夢幻龍族傳說呢種低B GAME,當年玩龍族既我今日已經成三條野,仲玩可愛風!?
跟住出一隻叫神話online (Risk your life)
2002
WASD鍵控制,MOUSE左右CLICK攻擊放技 相信以依家黎講遊戲操控性最正既龍之谷都係學佢
又有齊龍族大部份既優點,係我眼中佢係龍族既進化版
操控如此一流加上有得國戰 居然落得冇人玩要汁笠既下場 事緣係因為改版出神話2 變左國戰冇乜意思
以下係RYL既PVP片,果陣既GAME仲用緊貼圖黎做3D,動作唔係好順暢 但都係好好玩,亦好有新鮮感!
[youtube]BjJl-edg1_Y[/youtube]
然後就係N-age既誕生
(2002)
係第一隻3D既GAME,將當時古龍金庸童話龍族揮低晒,可惜香港真係冇乜人識
相信係依家大部份 "禁佢就行過去,禁熱鍵就開技,點對手就自動打" 做任務升LV 既先河
亦令無數垃圾OLG出現於世上 如:墨X 幻月XX "一個字Online"
但當時3D,咁樣出技能,公會戰,開紅PK,強化+1+2系統 實在係創新 不可不讚!但依家隻隻都係咁,見到就覺得垃圾
附上短片,呢隻係2002年既game,唔係2011,幾多2011既GAME都仲係呢種玩法!?
[youtube]FCpiSlkFeHw[/youtube]
而根住出既都係一堆同Nage差無幾既game
點地下移動 點怪就打 1234出技 做任務升LV
一直追求更好既畫面質素,更可愛既畫風
包括天堂II 魔獸世界 如此大作都係行呢條路線實在頂唔順!
結果我就投向左街機,家用機,舊game【內容已被過濾(P01)】既懷抱
跟住出左Heat Project
第一隻槍GAME,對於當時仲玩緊CS 1.6既我實在太吸引,用左唔少錢買槍,請代升去到中將
結果大家都知,BUG槍周街係,冇更新玩黎玩去都係咁 又沒落左,但當時槍GAME OL真係好創新好吸引!!
跟住出SD高達online
WASD鍵控制!!第一時間DL黎玩,點知又係劣作,入房先玩得 買點抽機合機同CS1.6,HP有乜分別
再有CSO等等垃圾ONLINE
對於可能岩岩接觸ONLINE GAME既人可能好正,但係由CS一出已經係網吧同人連LAN GAME,當時玩OLG玩左幾年既我只係一隻垃圾GAME
有時去網吧見到D小朋友玩真係諗番起細個同人係網吧連LAN GAME RAINBOW SIX,CS
直至龍之谷出黎
終於有一隻操控正既GAME,而任務模式都算
玩左個幾月,終於封頂! 解晒佢既故事,奶野 冇國戰冇公會戰玩乜呢???
每日上線只係同人吹水,PVP 入到PVP場又改晒唔計裝備...
玩到咁樣已經冇玩
係呢一刻我再尋找有乜野GAME好玩,答案已經係冇,上晒各個GAME討論區,睇新GAME
唔係抄BF1942,就係N-age 第幾多百代 再唔係就金庸+Nage合體版
有咩意思呢!
乜依家2011真係冇晒好玩既online game?
對我黎講 一隻好玩既OLG要有以下條件
1.wasd鍵控制已經是基本,不過唔係都唔緊要,最緊要操控性正,不過邊一隻大作唔係WASD? GTA4 BF3等等單人RPG都係啦
2.不論時代背景,玩法要多元化唔好死抄爛抄 例:槍GAME渣坦克BF已經做左出黎,乜唔可以槍GAME做埋戰役,有人參與戰術戰略架咩? (即係會一路玩AOC咁一路可以打槍game,起工廠黎起坦克,再起坦克比人渣)
3.耐玩 公會戰一定唔少得,公會戰之上仲要有國戰,等人升封頂後有野玩,唔好一味升LV,乜乜戰係由玩家觸發,例如乜會同乜會鬧交開拖咁樣,乜國同乜國傾唔店開戰咁樣 (曾經台灣有一隻三國主題既GAME做到,但唔記得咩名,玩法似三國無雙)
4.升LV有限度,升LV只係一種令玩家投入既過程,而享受先係令玩家長留既關鍵,享受升完LV後去打公會戰,打國戰
待續...太夜要訓,雖然聽日放假
作者:
kankan112806
時間:
3-11-2011 16:00
D片睇唔到..搞搞佢
作者:
brian12345
時間:
3-11-2011 16:32
依家既OLG
全部都係角色模擬佔多數
儘管佢故事背景有幾精彩
個system都係開技能打怪升LV為主要
然之後就炒短期 開商城比班人狂沖裝
去到後期得番班hkd既
不停loop
我真係搵唔到有邊隻OLG係有別於一般既OLG...
作者:
抽籤哥手
時間:
3-11-2011 17:28
老細 有冇興趣玩下LOL呢d技術 game @_@?
作者:
[H]火之鳥
時間:
3-11-2011 23:12
槍GAME黎講我推介 AVA 唔錯
我等緊隻C9 依家好似有日本SER 之前大陸買左代理,但到依家都無消息
龍族係我第一隻ONLINE GAME 我好同意樓主,真係無GAME比得上佢 國戰勁多人封門XD
仲有你流左邊戰,晚晚有得打,出去升LV唔鐘意條友可以打7佢,之後人地吹雞,又可以大戰
可惜比外掛搞死左
作者:
[H]kasonsky
時間:
4-11-2011 22:20
我想補充樓主龍族那段
其實龍族去到V1.01開始已經變質
完全失去了OnlineGame的精髓
更新的只係PK方面
戰技書的出現更改寫了弓手盜賊的PK能力
首先接觸OnlineGame之前
相信各位都係玩過一些PC/Gameboy,遠少少可能玩過紅白機
RPG遊戲的精髓就係「冒險」
地圖整得愈複雜,高低差又多彎路...
怪物檔路,不斷從後追擊你的隊伍
先顯得有冒險氣氛
我係由V0.69版開始玩
當時野外區氣氛相當好
拜索斯半獸人村永遠係最熱鬧,最多新手玩家眾集的練功場
初初會組埋一齊打半獸人,慢慢大家又會再進一步
不斷問「Who go ice?」,然後組晒人就開始出發
還記得中途要過橋,有巨魔有鷹女人欄路
依兩隻怪物已經足已殺掉少血的隊友
入冰洞後,有條長長的洞口,這裡就是等候隊友地方
而前面不遠就是一道木門,死後的人多數開門關門來提醒你
「附近有人死左,祭師快開眼救人吧」
當時冰洞結構算係好複雜,有2-3條路通往唔同地方
例如由兩個小山丘形成的練功場
弓手法師企晒山上,由戰士在下面頂住狼人巨魔攻擊
山丘隔離間房有好多巨魔,一般都唔會開門(因為開門會引怪物入來)
隊友自律唔玩門就可以練好耐
另外還有火洞,中級玩家經常死的地方
怪物強是事實,好彩中途有好多由巨大骨頭組成的小型營地
進入後可免除怪物攻擊(冰洞都有類似的避難房屋)
說起小王,每個洞都有唔少,不過當時等級低就未試過去打
最後印象係某個地圖有好多墳墓,入面會有條火龍
不過自從V1.01出現後,所以洞穴重新改造
只會有一個又一個的大空地,塞滿怪物比玩家去打去升級
一條路出入,完全係為玩家升級而建立
所以往後online game為何出現單人踩場練功
多過組隊掃場呢,因為組隊的意義已經變成公會搵人算帳的功用
踩完場你可以繼續升,有人搞你就搵公會幫手
魔獸WOW的出現,組隊可以話係「為了刷副本」
假如沒有副本,試問組隊還有什麼用處?
只有「升級快」這答案吧,依家還會有玩家話
「我組隊係為左冒險」嗎?
今時今日,組隊漸漸變成是「為己不是為人」
誰會組隊為了有冒險氣氛呢...
作者:
tobee001
時間:
5-11-2011 04:56
死拉 睇到我好似好老添 樓主講GE隻隻都睇住佢出現除左龍族 KAKA
E家香港OLG業死左嫁拉 因為香港囉OLG代理 來來去去都係 韓國 日本 台灣 最後中國
韓國 : 多數rpg + 畫質真實
日本 : 多類型 + 9成行可愛 / 2d
台灣 : 多數rpg + 可愛風格
中國 : rpg + 底成本高收入 (大家明了)
我對上比錢GAME 係 三國志ONLINE -3-比月費玩 太正500人打500人互攻城戰
LV 底唔最要TEAM WORK搭夠 1TEMA 分8X5
5人1個小隊
40人 一支軍隊
又有投石車 衝車 弩炮又有
可惜收左工 KOEI 唔比佢出 1個星期2次國戰太少 開始少人玩= =
最成功係FEZ 因為5個國互打國戰升LV 大家有個互動交流 分工合作
可惜無人開發類似 FEZ + 龍之谷 GE GAME
作者:
icacc
時間:
6-11-2011 01:35
我都係由龍族0.68開始接觸Online game, 好同意樓主所講而家既所謂online game的確係垃圾.
我覺得其根本原因在於而家出既game過於照顧玩家以及劇情副本, 從而削弱了玩家的自由度以及玩家之間的互動性.
我所指過於照顧玩家就是所謂的掛機系統以及導航系統. 雖然明白到遊戲代理為了令玩家更方便更易上手而推出掛機導航系統. 不過, 掛機導航卻令玩家大副降低投入程度, 而且玩家亦失去探索冒險既樂趣!!
舉個例子講, 以前我地玩game, 由於咩提示都冇, 邊度打怪, 咩地方安全咩地方危險, 全部都係靠自己探索或者問人, 去其他地方就好似要去探險咁, 準備充足的補給品, 而且都係靠自己行去, 要時時刻刻都注意身邊的危險, 同好朋友一齊經歷各種危險, 記得邊條路安全, 係邊度打王, 收獲, 分享情報等等, 最重要就係要有一個有經驗或者才智過人的領袖帶路, 一步步前進, 呢D先係遊戲既樂趣!!!! 反觀而家D垃圾game呢? 跟本就只睇住說明書拼模型, 只要跟住指示人人都可以做到, 打王副本旁邊就有入口, 根本唔駛搵, 日日淨係刷副本再唔係就掛機賣野. 試問咁樣既遊戲玩家點會投入, 遊戲點會耐玩? 呢D系統搞到而家D細路下下都怕困難, 冇耐性冇恆心, 只想食快餐, 唔駛同人交流, 更加造成惡性循環!!
再講, 而家D game都太注重劇情, 只要跟住劇情做任就可升LV變強. 個個都係度做埋一式一樣任務, 自由度低!! 分高下只有一個方法, 就係睇你有冇HKD. 裝備全部都透過做任取得, 個個都一樣, 同樣有錢就可以強化. 試問咁樣有咩高低特色可言, 個個就好似係工廠生產一樣. 我地以前打機都冇咩任務, 至少肯定唔係靠任務升LV, 拎基本裝備. 以前升LV都係靠自己慢慢打怪努力, 角色強唔強唔係靠有冇HKD, 而係靠操縱技巧, 技巧靠平時升LV同PK得返黎. 基本裝備同NPC買, 強既裝備就靠打王或者自己生產, 或者同玩家買, 全部都唔靠HKD.
最重要一點, 而家D game太缺乏互動性, 所有野都可以自動, 行路搵路自動, 賣野自動, 跟本唔駛同其他人交流. 組隊就來來去去都係自己友, 一係就互相利用, 只為升LV說話都唔多句. 咩互相幫忙帶新手升LV呢D已不再存在. 以前我地打機有國戰, 交易組隊全手動, 國家之間罵戰, 玩家之間討價還價, 公會開片, 踩場, 死左要搵祭司, 係度叫賣, 搵人組隊等等, 互動交流既機會好多, 有時雖然會唔和諧, 不過大家心裡仲係好快樂好投入的.
講咁多其實雖然只係打機, 不過卻是陪伴我地成長的元素之一. 縱使唔係咩偉大成熟, 但至少我可以大聲講, online game教識我點樣做每件事要投入要全心全意, 教識我點樣同人相處, 討價還價講需求定律, 或者世途險惡戴眼識人, 理財之道. 最重要一點係要拎個心出黎, 無論對人也好對事也好. 呢D係我從online game中學到既野. 但係而家D Game可以帶俾我地新一代乜野? 消費主義之道? 方便之門免費午餐之道? 還是係有錢大晒之道?
而家我地呢D 玩龍族, 神話, 玩魔力, RO, 石器, 寵物王, 幸福等等長大的人好多都已經投身社會, 冇左接觸online game了. 一方面沒時間, 而且實在冇game值得玩. 但眼見現今online game到如此地步, 著實心裡有點不好受, 因此在這刻抒發一下, 畢竟online game也算是我學習做人既母校.
作者:
ThomasL
時間:
6-11-2011 14:10
本帖最後由 ThomasL 於 6-11-2011 14:12 編輯
讚!!!
講真...
E+ D GAME真係冇D創新...
剩係機械式咁玩....
打怪->做任->升LV->打怪->做任->升LV->打怪->做任->升LV->打怪->做任->升LV..............
大部份MMORPG都係咁....
不同之處只係職業名，技能名，畫面，風格等等唔同....
其餘遊戲實際內容都係咁樣....
至於MMOFPS呢，
都係差唔多，大多都係抄CS等等元老級大作GA，
都係爆破，死鬥等等
不同之處又係同MMORPG差唔多...
更衰GA係已變哂質，變到有點數就玩哂...
然後就出現一堆台幣，港幣，以及轉蛋槍戰士等等....
其他類型GAME就唔講啦...
總之現時D GAME就係:
LV玩哂，有錢玩哂
話就話好多元化，結果最後又係升LV，升LV，升LV，升LV，升LV，升LV......
然後，就係一堆冇品人士GA出現，
外掛，BUG狗....
過多幾年，睇怕ONLINE GAME就只有沒落....
唯一令我覺得好玩&經典GA GAME就係仙境傳說，
雖然都係主打升LV，但係就有D唔同
任務只係出現特別技能/道具，
閑下就同朋友吹水，一齊打王，一齊升LV，你補我我幫你擋咁樣，
真係幾懷念~~
作者:
8783
時間:
7-11-2011 00:12
本帖最後由 8783 於 7-11-2011 00:22 編輯
睇你都唔係老手
連彩虹冒險,瑪奇,寵物王,少林傳奇都未玩過
仲有03年應該出左天堂2
作者:
gates
時間:
7-11-2011 02:07
的確 宜家好多gamr玩法太似
作者:
lawk
時間:
8-11-2011 00:10
我最近有玩瑪英(美)
基本上都有LZ 講既1,,4點
2,3 則可圈可點
我玩最主要原因係人物靚
前期可單p好多怪...但都組隊可玩
后期,除了強勁的技術,基本上只能組隊
暫時覺得問題在VPN 同任務唔知會出到點
我都比較遲先玩online game ,而且玩得少,另加我白痴的,玩一隻無game可以玩好奈
,第1隻巨商,當時白痴
,第2隻彩虹冒險,技術形game,雖然裝備好重要,但都可以用技術挑戰下...后來唔知咩問題無左了
之后唔記得玩咩了..........好多好多好多都係試下試下
某段時間后,開始唔玩online game,玩單機.....
都玩左唔少...當中出色的有空軌3部,(期待零軌碧軌PC漢化><)
一排后見到SDGO..基於喜好高達,所以玩下.......
初時係唔錯...后來...不值一提
現家就處搵game玩,但現時的online game..連試都費事試
作者:
豆丁123
時間:
8-11-2011 01:31
我只係中學生.
以上某幾隻game真係味聽過.
作者:
一笨小孩一
時間:
12-11-2011 18:25
認同...而家果d所謂既代理出出埋埋都系果d類型
隻隻都冇新鮮感...梗挽黎有咩意義??
真系舊game都好挽過d新game!!
作者:
覓寂忘魂
時間:
12-11-2011 20:05
我既感覺都差唔多
依家D OL GAME出黎出去都係咁既款
作者:
askslzng
時間:
12-11-2011 22:11
本帖最後由 askslzng 於 12-11-2011 22:19 編輯
哈 可惜我遲出生
E家隻隻GAME都差唔多樣 做任升LV 有港幣就玩晒
家下想搵隻正常D既GAME都難
玩左6-7年 得3隻GAME玩得耐 巨商 天子群俠傳(汁左 最近想玩番 佢個頂 10月汁左) E家無聊玩下CSO
唉 我想玩隻特別D既GAME
仲有 E家D GAME多數都會出現(萌)E個字 我見到都想嘔
作者:
你精我都精
時間:
14-11-2011 16:38
代理隻game好無用 間代理始終係垃圾 所以唔好望外國會俾你好game你代
作者:
EY3P
時間:
17-11-2011 23:13
小弟好記得 .. 03 年果陣有隻既 幸福Online .. 可惜 .. 收費制行左冇耐就汁左
作者:
honming1214
時間:
18-11-2011 02:31
樓主 一齊玩征途 有得打國戰 邊戰 做國王等等 仲可以去人地國家打死人地d npc佢@.@
作者:
blbb1234
時間:
1-12-2011 22:57
回復
19#
honming1214
呢隻野我都有玩過
唔係唔好玩
不過掛機同埋任務系統真係接受唔到!
作者:
blbb1234
時間:
1-12-2011 23:26
睇你都唔係老手
連彩虹冒險,瑪奇,寵物王,少林傳奇都未玩過
仲有03年應該出左天堂2 ...
8783 發表於 6-11-2011 16:12
首先
彩虹冒險係當時第一隻開房打交既GAME
我都有玩過 當年仲有一隻叫坦克唔知乜既,同彩虹差唔多,不過係玩坦克
而彩虹我就玩左一兩次就冇玩,因為當時覺得入房打交不如玩番CS 1.6連線!
同埋果陣有龍族呢隻大作吸引我
樓上都有人分享龍族果種冒險FEEL到底有幾正
咁我都講下啦
記得果陣開隻人 一開始就打個靶,打打下聊隔離一齊打緊條友吹水
仲要係"英文"
"HI" "LV?" "TEAM?" "o..." "call me 2XXXXX" 等等
打到黎係一把未發育既男仔聲,當然 當時我都係差無幾
慢慢會有人響應一齊打怪組隊傾電話 駁3LINE 4LINE 等等
跟住一路傾電話一路打羊牛雞老鼠打到11LV
就出城,一出到城個感覺真係 : WA....!!
市中心一大堆人,有D人係度叫賣 有D人係度吹水 有D人係度組人
間唔中會有一兩件友隱住形開爆炎術秒人 (當時0.68 爆炎術先係火炎放射果招)
慢慢同新手村果D人融入個城,打地精打彊屍升到2XLV就會搵人打半獸人
當時半人村係卡拉爾村外部
附近有間爛屋入面有件骨頭,果陣發現呢間屋就好似發現新大陸咁,
幾條友傾緊電話唔理升LV圍埋黎影相,好似真係發現新大陸咁
後尾官方搞"圖文字D"活動,要玩家拍照放上去做故仔 就幾條友係果度搞左個勁低能既
"回老鄉發現老豆老母死晒,發現兇手激戰三回合" 故仔
發尾我地仲贏左果屆既活動TIM ^^
跟住行過少少會有隻食人魔擋路 (50LV怪,一野扣人千幾) 對於2XLV 得2000血既人黎講 實在會被秒
幾條友本身衝埋去打,死左一件之後都唔敢埋去,逃跑左半個地圖之後祭司搵番隻鬼救人,再密謀殺左隻野佢
祭司比WALL全部人再衝,激戰兩分鐘終於搞得店,其間補唔切WALL死左件既情況亦有發生 (果陣低LV邊有錢買水,祭司就係救世主,冇祭司唔成TEAM)
殺完隻食人魔 周圍都冇怪,行前少少有個洞
呢個時候大家都賴過野,一齊落晒WALL先衝,點知埋度去原來係過地圖
入到去 地圖唔見左,右邊寫住黑暗洞穴 前面有一堆獸化人 ( 3XLV怪)
幾個2XLV就係咁衝入去打,打打下結果一齊迷左路 仲行左去一個勁多巨魔(5XLV怪)既地方度慘被團滅
個個變晒鬼咁繼續探險,發現前面有一堆高LV人士 (大約4X左右) 四隻鬼一齊係度等佢開眼救人
但又唔識打佢個名,當時真係好鬼好笑
結果救晒我地四個人就出現一隻"賢者" 真言術,五雷,炎浪 將六七個4XLV同埋我地四個2XLV都殺晒
最尾緊係要登出番主城啦,一番到去見到十幾隻鬼係度等人救既畫面真係畢生難忘!
玩龍族既日子真係冇其他GAME可以代替
作者:
└N┘Nightmare
時間:
6-12-2011 03:18
本帖最後由 └N┘Nightmare 於 6-12-2011 03:20 編輯
online game......我想搵隻好玩小小都冇,,,真係頭都大埋
online game好處係易識人,又可以組隊吹水一齊玩= =
但係奈何佢依定既系統太悶.........................................
不過當中亦有好既,但老實講,都吾係近幾年既遊戲
個人認為:真正算得上有特色既近期ONLINE GAME吾多,但如果要講都吾係冇,就好似上面有人話瑪奇,,,其實佢系統的確吾錯,,,奈何被逼要買點,,好多商城物品......老實說,不是不想花錢- -但與其咁買法...我寧願你開月費囉............................另外,WOW,,,到依家都仲未末落既遊戲,月費遊戲當中佢算係生存左好耐,而且耐玩度高...可惜最後破壞了遊戲平衡等問題,所以變得吾公平,BUT仍算一隻吾錯既遊戲,而樓上突然間出現幸福兩個字眼,實在很懷疑,的確是一隻不錯的遊戲,被浪費了^^而且可能不太適知港人口味..戰棋太悶了嗎= =?,如果有出返我肯定玩,想玩好耐.
其實直到2011年,ONLINE GAME其實都冇乜大進步,,,香港亦人少,,,可以開發既種類有限,好坦白講,依家市而上幾十至幾百隻ONLINE GAME,當中有台港,有港SER,,,已經分散晒D人....所以每隻GAME既人數都吾算多,可以生存落黎只有好玩既遊戲 (吾係我認為好玩...) ,所以我其實好希望多D香港人玩下D PC GAME...吾好剩係局限於ONLINE GAME,因為好多好玩既PC GAME根本無香港人去接觸,或者好少........好似前兩年既LEFT 4 DEAD 可以講係幾適合香港人,,始終香港人少,佢既需求係4個人一隊而已,讀緊書,返緊工既朋友仔,要搵4個人一隊實在吾難,而且價錢吾算貴...如果可以搵齊8個仲好,,,一定可以打晒成場,,,另外戰略遊戲既代表,星海2,,,(AOC果D吾講啦,仲有人玩緊) 都係好少香港人玩既遊戲,上親去都係台灣佬,韓國佬...甚少香港人,,,好坦白講,玩呢D好過玩ONLINE GAME好多,,,星海2,每個族得果十幾種兵種,但係打法層出不窮,你諗到既,都有可能做到......而且,,暗黑破壞神3都就出,,,又多一個大作選擇,實在無必要忍受呢D商城,,,,至於戰地風雲系列,,等,,實在太少香港人玩,,,想搵個同志都冇,,,身邊亦好少人玩,我身邊D人都係寧願拎錢買點數,都吾存埋D點數錢去買一隻好玩,值得玩既遊戲,我實在吾係好明...
除非黎緊OLG會出返D新既系統,,不過眼見都有吾少慢慢出緊黎,只係未到香港封測,希望有呢一日既來臨,亦希望ONLINE GAME製作人著重質素,而吾係著重搵錢,搵錢固然重要...但點解冇多一間好似暴雪呢D真係用心去製造遊戲既公司黎整ONLINE GAME呢...人地搵到錢,但睇人地管理,製作各方面都非常用心,否則WOW也被外掛打沉了,,,不過有好既ONLINE GAME冇好既代理,好既制度亦都係冇意思......OLG好可悲無論製作,後期管理,加工等,好多隻都係亂咁黎...CSO已經係好例子...點解CS可以出名咁耐,直到依家(正版)都仲有一堆玩家玩緊...反而轉左OLG之後,不單自...遊戲,玩定質素大降,,,最慘既係仲要跟風,,,果期流行喪屍,就不停推出一堆射擊OLG既喪屍模式,實在令人無奈...
幾時可以聚集到一班香港人玩PC GAME呢,,,我吾係反對OLG..而係時下OLG實在冇咩吸引力...或者係小弟目光短淺,而且窮吧,不明白買點數,買點裝,強裝虐待其他人的樂趣
對於不停打怪,然後去PVP,打副本等循環,機械式工作感到煩悶
更加慘既係,,,依家只出商城遊戲..而冇再出D月費制,而且好玩既大作...
即使你地覺得龍之谷好玩,但係佢都係商城...但佢PVP又要公平..根本係矛盾,買點裝只係為左PVE= =.....
點解真係好玩吾直接轉做月費制呢?吾通依家市面上全部都免費,有小小素質既遊戲都吾敢轉做月費制,結論係商城制太好賺,代理商賺到傻左,已經冇開月費制既意念
如果有玩星海2既朋友可以留個言^^實在太難搵人一齊玩...
本人既時間基本上只容許玩一隻GAME,,,因為我得深夜會打陣機
作者:
DEAD=]
時間:
7-12-2011 19:05
家下D GAME專屈錢而設計
作者:
遊俠翔
時間:
9-12-2011 02:22
講真又要冒險要素多又要online真係無乜可能
容許一條友冒險冒到爽既大約需要5gb(上古5,仲要係差畫質先係呢個數)
容許幾千幾萬人冒險冒到爽既最小都要番百幾二百gb,整出黎係大把玩家會玩,但係邊有公司肯做,成本太貴
結論: 要冒險玩單機,玩操作/技術都仲可以搵下olg 玩下
歡迎光臨 樂古Nakuz (http://ent2006615eht2006615www.nakuz.com/)
Powered by Discuz! X3.2
